疫情過後獨木舟遊
「日日對住四面牆，好辛苦呀！」明白的~明白的~不過大家唔忍一忍，個疫症更加唔願走……只要大家乖乖地，好快就有機會再帶小朋友出關欣賞香港絕景。到時，試試由西貢相思灣撐去綠蛋島吖！玻璃水、小海灘、貴妃池、一排排礁石，還以為自己身處泰國隱世外島。 記住，屋企暫變困獸竇，疫情過後有艇搭呀！
如果唔划獨木舟，有人選擇帶埋寵物由西貢碼頭租艇前往。
水底多石春，甚至有尖石，玩浮潛時記得着返對鞋。
綠蛋島一帶有好幾個淺水位，記得帶裝備浮潛。
似隻煎蛋
綠蛋島，原名爛排，於清水灣龍蝦灣附近。因為在高空俯瞰時形狀似一隻荷包蛋，加上島上中央部份佈滿綠色植物，似足一隻「蛋黃」呈綠色的煎蛋，所以近年被稱為綠蛋島。綠蛋島上有個小沙灘，水清沙幼而且岸邊水淺，適合嬉水浮潛。
靠近海灘的「貴妃池」，裝滿累積的雨水。水底部充滿尖石，而且滿佈黑色青苔，在內行走小心滑倒。
相思灣出發
搭巴士去清水灣相思灣，行到相思灣村曉波徑到尾，然後租獨木舟出發，大概一個多小時就會划到綠蛋島。沿途風光已經目不暇給，倘有幾十米便到達綠蛋島之時，更會經過一度峽縫，划過去，別有洞天。
交通
巴士 91 - 鑽石山港鐵站／彩虹
小巴 103 - 觀塘, 103M - 將軍澳站, 16 - 寶林
的士 - 坑口港鐵站乘新界的士，約$60-80
租艇要早
近海有一艇家，連安全衣及划槳，一隻單人獨木舟租全日只是$150（平日）／$200（周末及公眾假期）；雙人獨木舟$250（平日）／$300（周末及公眾假期）。不過由於目前只此一家，獨木舟數量有限，一般建議提早預約。
相思灣綿羊仔水上俱樂部 - 6109 4445
岸邊攤吓玩吓，享受藍天碧海。
偶而會於淺水位見到珊瑚，記得要保育，切勿破壞。
注意事項
- 由於需要一定體力，如帶子女同行，須確保其熟水性，以及年紀較長，量力而為，最好有經驗同行者帶路。
- 出發前查看潮汐漲退時間、海面風浪、天氣預報。
- 相思灣村租船位，以及沿途均無補給站。須自備充足飲料及乾糧。
- 由頭至腳做好防曬措施。
- 水底多尖石，赤腳較危險，建議穿橡膠底衝浪鞋︒
- 租艇位附近岸邊有水喉沖身。
- 沿途手提電話接收正常，如遇突發，立即致電求助。
